Tuesday, November 08, 2005

انى لا اكذب ولكنى اتجمل

لى صديق عزيز, احبه كثيراً, و هو زميلى فى الجامعة و زميلى فى المعمل. صديقى هذا امريكى الجنسية, يدرس معى مواد الاعدادى طب, كما يدرس مواد تؤهله للعمل بالتدريس. تكلمنا من قبل فى مواضيع كثيرة لها علاقة بالطب و الجنس و الادب و احياناً السياسة و اختلاف الثقافات و طبعاً تكلمنا كثيراً عن موضوعات تخص حقوق المراة حيث انها من موضوعاتى المفضلة
جاء صديقى "جيمى" يطلب منى مساعدتى فى بحث مطلوب منه عن اختلاف الثقافات و تاثير المجتمع على الافراد -وهو ايضاً من موضوعاتى المفضلة- وافقت على الفور و على وجهى ابتسامة عريضه قبل ان افكر فيما ينتظرنى. اخرج صديقى ورقة اسئلة بها حوالى عشرة اسئلة, كل سؤال فيها يحتاج لبحث مستقل. كان اول سؤال عن ما اراه يختلف كثيراً بين المجتمع الامريكى و المجتمع العربى خاصة مصر, ثم اوضح: ما هى الاشياء الشائعة فى مجتمع مصر التى لا اتوقع ان اراها هنا فى المجتمع الامريكى او على الاقل ليست بنفس الصورة؟
انا التى تنتظر كل فرصة للتكلم عن انتهاكات حقوق المراة و على راس قائمتى جرائم الختان و جرائم الشرف, و المقتنعة تماماً بان المراة المصرية, و العربية بشكل عام, من اكثر المنتهكات جسمانياً و نفسياً, و انا التى تكره بشدة الكذب و النفاق... وجدتنى اجيب على اسئلته على طريقة " انى لا اكذب ولكنى اتجمل"!! فانتهاكات الختان, الذى هو على راس قائمتى, ادرجتها خفيه تحت بند " انتهاكات جنسيه للمراة" و لم استرسل فى الحديث عن وحشيتها و تخلفها كعادتى!!...جرائم الشرف, كانت تحت بند" تحكم الاسرة الزائد تحت اسم الدين و الاخلاق فى حياة الابناء خاصة الاناث".
بعد انتهائى من تلك الحديث المُجمل, و بعد ان ذهب صديقى العزيز, سعيداً بمعلوماته الدقيقة, ذات المصدر الموثوق فيه!! وجدتنى اقول لنفسى" لقد اخفيت الكثير.. ولكنى لم اكذب" و ان هذة هى الطبيعة الانسانية - غالباً- ما تتجنب التعرى ان لم يكن ضرورى!! و ان ضميرى مستريح و......فاجابنى صوت فى نفسى: "بذمتك"؟
عزيزى جيمى, سعيدة انك لن تستطيع قراءة هذة الرسالة, فصديقتك ليست بالشجاعة الكافية احياناً و مازال بداخلها رواسب من الماضى تنصح "اذ بليتم فاستتروا" و "بلاش ننشر غسيلنا قدام الناس"! و اشياء كثيرة من هذا القبيل لم تتغلب عليها بعد كما ظنت. صديقتك سعيدة بالصورة المحسنة لديك عن حال الفتاة المصرية خصوصاً بعد ان قلت لها يوماً انك لم تقابل فتاة من مصر من قبل و كان على وجهك ابتسامة جميلة...اتمنى ان تقابل احداهن يوماً تكون اكثر شجاعة منى

17 Comments:

Blogger Solo said...

اذا بليتم فاستتروا؟
ماتوقعتش منك كده خالص

November 09, 2005  
Blogger From East to West said...

و لا انا.....هى دى المشكلة

November 10, 2005  
Blogger ايمان said...

انت أول بنت مصرية اعرفها، قالها لي أيضا زميل فرنسي لم يكن له أية علاقة بالشرق العربي و ان كان يعرف الكثيرات من المغرب العربي، كانت له فكرة عامة عن وضع المرأة العربية (المسلمة) لم تختلف عن لوحات المستشرقين و لا المسلمات المنمطة، يعني لم يكن هناك داع للتجميل أمامه، و مع الاعتبار انه كان يري المصريين لابد ان يكونوا مختلفين عن تلك الصورة، بحكم الولع الفرنسي بمصر وجدتني اخفي التشوهات التي نعاني منها بالنسبة لنظرة المجتمع المصري للمرأة التي كان يعتقد أنها ارقي
يمكن لأنني مثلك انكسفت مننا و من افعالنا

November 16, 2005  
Blogger Mr-Biboooo said...

لكن مش من الضرورى تأنيب الضمير بالشكل ده

مأجرمتيش يعنى

December 12, 2005  
Blogger أنا said...

انت سبتي عندي تعليق من فترة لكن انا فعلا مسعتش اني اعرف مين صاحبته باعترف اني اخطأت..لكن الحمد لله في الاخر وصلت..وانا ضميري بيأنبني , علشان اجي الايكي انت كمان ضميرك بينقح عليكي كده!؟
اولا يا ستي مفيش مشكلة خالص كلنا لم بنقع تحت ضغط بيبقي ردود افعلنا غير متوقعة مش جايز كان السبب في التجدمل ده هو كلمته انه اول مرة يقابل بنت مصرية او عربية
جايز
فوقي كده وبعدين انتهاكات حقوق المرأة المصرية هتتحل من جوه مصر مش من براها - وطبعا انت جواها
اه بالمناسبة :- انا كمان اول مرة اشوف بنت مصرية ضميرها بيأنبها كده
صباح الفل

December 16, 2005  
Blogger بروميثيوس said...

انا ممكن استعمل الموضوع ده في حاجة بكتبها الايام ديه
عايز احط له وصلة عندي علشان ادلل بيه علي حاجة
للاسف مش هينفع اشرح اكتر من كده علشان مستعجل
لكن تحياتي حتي لو رفضتي

December 16, 2005  
Blogger From East to West said...

مستر بيبو:
شكراً على تشجيعك, فعلاً جه فى وقته
:-)

December 16, 2005  
Blogger From East to West said...

Y.mejahd
مفيش داعى ضميرك يأنيب و اهلاً بيك
:-)
جايز كان السبب في التجمل ده هو كلمته انه اول مرة يقابل بنت مصرية او عربية
و جايز كان بسبب رد فعل الناس هنا و تغير معملتهم كل مايسمعوا عن نقاط ضعف البلاد العربية,و خجلى انا.. و قلقى من تحول صداقة حميمة الى علاقة يشوبها التحفظ
و ايضاً لاقتناعى بما قلت انت ان انتهاكات حقوق المرأة المصرية هتتحل من جوه مصر مش من براها ....على الاقل ده الى انا بحلم بيه

December 16, 2005  
Blogger From East to West said...

This comment has been removed by a blog administrator.

December 16, 2005  
Blogger From East to West said...

ايمان

كويس انى مش لوحدى
:-)

December 16, 2005  
Blogger From East to West said...

هانيبال

فتحت مدونتك لقيتك اتفضلت خلاص
:-)

December 16, 2005  
Blogger بروميثيوس said...

نسيتي تحطي علامة تعجب
طبعا مكنتش عارف امتي هتردي عليا
لكن لو ده ضيقك انا ممكن اشيل البوست خالص

December 17, 2005  
Blogger From East to West said...

اشمعنى يعنى نسيت علامة التعجب؟ انا بقيت مشهورة بيها ولا ايه
:-)
انا فعلاً بقالى فترة مدخلتش على المدونة بسبب الامتحانات و بصراحة استغربت من البوست, شكراً على عرض انك تشيل البوست مع انه مش من حقى, انت ليك كامل الحريه انك تكتب عن اى حد اى حاجة -انا اديت الحق ده لنفسى قبل كده-انا بس استغربت و احب اعرف ايه الى انت لقيته حسب تعبيرك "هي التدوينات التي أثارتني وأرجوا ان تلاحظوا بها ما لحظت" لحظت ايه؟
ايضاً"ودمتم لي بعلامات استفهامك التي ستقودنا جميعا نحو الجنون

حب استطلاع
!!ادى علامة تعجب
:-)
واهلاً بيك مرة تانية

December 17, 2005  
Blogger mindonna said...

حسستيني بحزن عنيف لا أدري سببه

December 18, 2005  
Blogger From East to West said...

This comment has been removed by a blog administrator.

December 18, 2005  
Blogger walterhuron04974943 said...

This comment has been removed by a blog administrator.

December 18, 2005  
Blogger Sarwa said...

لا مصر تمام ,والمواصلات فاااااااااضيه
بيتهىءلى اللى انتى عملتيه تمام
موش طالبه تشريد ع الفاضى,أكيد ف بلدهم بردو فيه بلاوى وهما بيدارو

January 02, 2006  

Post a Comment

Links to this post:

Create a Link

<< Home